HUM MA-1S 隨身耳擴
HUM MA-1S 隨身耳擴
商品描述
～原裝香港行貨，享有香港代理 1 年保養～
HUM MA-1S 耳機放大器 - 4.4mm 單端，返璞歸真之作！
HUM 最新 MA-1S 棄用3.5/ 2.5mm 連接，而用上 4.4mm 插頭統一 “平衡/ 單端”，利用4.4mm 插座做的單端系統。
產品特色
HUM 認為係隨身聽層面(DAP/DAC/AMP)，使用平衡係弊多於利。
1. 無必要以平衡增大power
首先關於平衡power增大既優勢 - 係隨身聽系統裏面並無長距離傳送而導致訊號衰減問題。基本上power要幾大就做幾大，無需借助平衡增加，再者HUM 認為power大小同音質沒有必然關係。大家諗下手上最好聲既機係咪就係最大power果部先？
2. 平衡後分離度是否過高？
再黎係左右聲道分離度高既「優勢」 - 原來耳機對比喇叭有超高左右分離度其實一直都引起好多爭議。耳機係左右聲道獨立傳送到耳內，而喇叭則左右耳都接收到左右喇叭既聲，所以耳機比起喇叭，唔使用平衡已經有好強既左右分離度。
而為左處理呢個(耳機)音場過闊既問題，仲曾經出現過crosstalk技術去混合返左右聲道，模擬返聽喇叭嘅效果。當然，並唔係話係隨身系統上要刻意做低個分離度，而係只要設計合理就好了。
(究竟耳機定喇叭嘅分離度先係「正常」中涉及好多因素，長到可以開一個主題探討了。例如製作團隊用耳機定係喇叭做監聽呢？)
3. 體積和耗電犧牲了音質
體積和耗電對音質的影響 - 平衡需要比單端多一倍既線路同零件，底版體積增加一倍之餘耗電亦大增。試諗下如果做部旗艦DAP/DAC，”DAC + I/V轉換 + LPF + 放大”本身體積+耗電已經好嚇人，做埋平衡仲要用多一倍空間和用電，已經不是磚頭化就可以解決到既事。當磚頭化都唔能夠滿足續航力時，就迫住斬頭斬尾，變左妥協下既產物。當初為左音質去做平衡，但最後反而比平衡限制左音質。
4. 訊號出現變化
最後係不論隨身定家用系統都遇到既問題，就係平衡後訊號起變化既問題 - copy出黎既訊號係複製，轉換，傳送，放大的過程都會有唔同程度既變化，同原始訊號對照已經唔再係完美的鏡像，而將兩個唔同的訊號合番埋一齊，就會偏離左原始訊號了。打個比喻，好似你墊張紙係幅圖上面照畫，就算張圖再簡單，都無可能畫到一模一樣，然後再要將你畫既圖同原圖結合成一張，無錯張圖係深色左，但仲係咪你想要既原圖呢？或者再出貓，出動影印機代替你手畫，結果係咪就夠一致呢？
Q. 咁到底MA-1S同MA-1B邊部好聲啲？
A: 受好多因素影響，其中最大的因素係每部DAP的單端同平衡輸出的質素都好唔同。有啲DAP個單端會好啲，有啲就平衡好啲，咁會令兩部AMP係唔同DAP表現上都唔同，唔會話有一部會一定好過另一部，所以大家耳聽為實啦。
Q. 咁4.4mm 單端係咪啫係我又要買條新耳機線？
A: 唔使，突登整到通用方便大家㗎，照插啦。
Q3. 點解見到連HUM條對錄線(3.5->4.4)都有兩款，一款係3.5果邊寫GND，另一款係4.4mm果邊寫GND既?
A: HUM做單端屏蔽對錄線既做法係單邊接地，即係3.5或4.4其中一邊落地。經測試唔同DAP配唔同接地線有唔同效果，有d好大分別，有d無咩分別，建議購買時可以實際對比。
規格
- 高壓+- 12V Class A 放大
- 4 層，2oz 銅厚，沉金 KB PCB
- 訂製軍用級別放大三極管，金屬封裝，鍍金插腳
- 訂製高精度電位器音量控制
- Total resistance tolerance：< 10%
- Channel imbalance：< 2dB
- Audio In/Out：4.4mm TRS (Unbalanced input and output)
- 增益設定：低 / 中 / 高
- 播放時間：約 7 小時
- 充電時間：約 2 小時
- 體積：68.5 x 105 x 12 mm